Монгол Улсын Ерөнхийлөгч Ухнаагийн Хүрэлсүх Гэр бүл, хөдөлмөр, нийгмийн хамгааллын салбарын албан хаагчидтай уулзалт хийлээ. Тус үйл ажиллагаанп Гэр бүл, хөдөлмөр, нийгмийн хамгааллын салбарын 850 гаруй албан хаагч оролцож, салбарын бодлого, шинэчлэлийн асуудлаар мэдээлэл солилцлоо.   Энэхүү Уулзалтыг Гэр бүл, хөдөлмөр, нийгмийн хамгааллын сайд Т.Аубакир нээж, салбарын үйл ажиллагаа, цаашид хэрэгжүүлэх зорилтыг танилцуулсан юм.

Энэхүү үйл ажиллагааны үеэр салбартаа олон жил тогтвор суурьшилтай, үр бүтээлтэй ажиллаж байгаа албан хаагчдыг Монгол Улсын Ерөнхийлөгчийн зарлигаар ажил үйлсээрээ манлайлж, нийгмийн даатгалын салбарт олон жил идэвх зүтгэл, үр бүтээлтэй ажилласан албан хаагчдыг төрийн дээд одон, медалиар шагналаа.

Тодруулбал Монгол Улсын Ерөнхийлөгчийн зарлигаар Монгол Улсын Гавьяат эдийн засагч цолоор Нийгмийн даатгалын ерөнхий газрын ахмад ажилтан, Нийгмийн даатгалын үндэсний зөвлөлийн Олон нийтийн хяналтын зөвлөлийн дарга Цогоогийн Дашдондогийг шагналаа.

Хөдөлмөрийн гавьяаны улаан тугийн одонгоор Төв аймгийн Нийгмийн даатгалын газрын Хяналт шалгалтын улсын байцаагч Осорын Энхтуяа, Алтан гадас одонгоор НДЕГ-ын дэргэдэх Мэдээллийн технологийн төвийн Програм зохиогч, мэдээллийн аюулгүй байдал хариуцсан ахлах мэргэжилтэн Т.Цогжаргал, Хэнтий аймгийн Нийгмийн даатгалын газрын Тэтгэвэр, тэтгэмжийн хэлтсийн дарга А.Октябрь нарыг тус тус шагналаа.

 

Хөдөлмөр зүтгэлээ үнэлүүлэн шагнал хүртсэн нийт албан хаагчиддаа баяр хүргэж, ажил үйлсэд нь амжилт хүсье.