МОНГОЛ УЛСАД НИЙГМИЙН ДААТГАЛЫН АЛБА ҮҮСЭЖ ХӨГЖСӨНИЙ 84 ЖИЛИЙН ОЙ ТОХИОЖ БАЙНА

Нийгмийн даатгалын байгууллага нь 1942 оны 4 дүгээр сарын 28-ны өдөр “Нийгмийг аюулаас хамгаалах хэлтэс” нэртэйгээр анх 4 хүний бүрэлдэхүүнтэй байгуулагдсан түүхтэй.

Өнөөдөр тус байгууллага нь улс орон даяар өргөжин тэлж, Монгол Улсын хэмжээнд 1341 ажилтантайгаар бүх сум, аймаг, дүүрэгт нийгмийн даатгалын хууль тогтоомжийг хэрэгжүүлж, 63.7 мянган ажил олгогч, 1.2 сая даатгуулагч, 800 мянга орчим иргэнд нийгмийн даатгалын үйлчилгээг ил тод, нээлттэй, цахим хэлбэрээр шуурхай хүргэн ажиллаж байна. 2026 онд нийгмийн даатгалын санд 7.8 их наяд төгрөгийн орлого төвлөрүүлэхээр төлөвлөж, тэтгэвэр, тэтгэмж, төлбөрт 6.6 их наяд төгрөг зарцуулахаар байна.

Нийгмийн даатгалын алба нь үүсгэн байгуулагдсан цагаасаа эхлэн иргэдийн нийгмийн баталгааг хангах, амьжиргааг дэмжих чухал үүргийг нэр төртэйгээр гүйцэтгэж байна.  Энэхүү түүхэн өдрийг тохиолдуулан нийгмийн даатгалын салбарт ажиллаж байсан болон одоо ажиллаж байгаа нийт албан хаагчид, ахмад ажилтнууд, ажил олгогчид, даатгуулагчид, тэтгэвэр, тэтгэмж авагч иргэд Та бүхэнд ойн өдрийн мэндийг өргөн дэвшүүлье.