ГБХНХЯ-ААС НИЙГМИЙН ДААТГАЛЫН ЕРӨНХИЙ ГАЗРЫН МЭДЭЭЛЛИЙН ИЛ ТОД БАЙДЛЫГ 94.7 ХУВИАР ҮНЭЛЛЭЭ
Засгийн газрын 2022 оны 352 дугаар тогтоолоор батлагдсан “Нээлттэй мэдээллийг цахим хэлбэрээр байршуулж нийтлэх, шинэчлэх, хяналт тавих нийтлэг журам”-ын дагуу Гэр бүл, хөдөлмөр нийгмийн хамгааллын яамнаас харьяа агентлагуудынхаа “Нийтийн мэдээллийн ил тод байдлын тухай” хуулийн хэрэгжилтийг хангуулах, хуульд заасны дагуу мэдээллийг өөрсдийн байгууллагын веб сайтад байршуулж байгаа эсэхэд 2025 оны жилийн эцсийн байдлаар хяналт-шинжилгээ, үнэлгээг хийсэн байна.
Энэ үнэлгээгээр Нийгмийн даатгалын ерөнхий газрын цахим хуудсанд мэдээлэл байршуулалт 94.7 хувийн гүйцэтгэлтэй буюу “Бүрэн хангалттай” үнэлэгдлээ.
Нийтийн мэдээллийн ил тод байдлын үнэлгээг дараах шалгуур үзүүлэлтээр үнэлсэн байна. Үүнд:
– Мэдээллийн хүртээмжтэй байдал
– Хугацаандаа нийтэлсэн байдал
– Мэдээллийн бүрэн бүтэн байдал
– Эх сурвалжийн байдал зэрэг үзүүлэлтээр үнэлсэн байна.
2026 онд иргэд, даатгуулагч, ажил олгогч, харилцагчдадаа үнэн зөв, шуурхай мэдээллээр хангах зорилгоор бид цаашид ч ил тод, нээлттэй байдал, цахим мэдээллийн хүртээмжийг улам нэмэгдүүлэн ажиллах болно.
#Ил_Тод #Нээлттэй#Нийгмийн#даатгалын#байгууллага
