ТАТВАРЫН МЭРГЭШСЭН ЗӨВЛӨХИЙН ГИШҮҮДЭД СУРГАЛТ ЗОХИОН БАЙГУУЛЛАА

Нийгмийн даатгалын ерөнхий газар, Татварын мэргэшсэн зөвлөхийн нийгэмлэгтэй хамтран ажиллагааны санамж бичиг байгуулсан. Энэхүү санамж бичгийн хүрээнд 2026 онд хийх ажлуудаа төлөвлөж баталсан. Төлөвлөгөөний дагуу 2026 оны 02 дугаар сарын 26-ны өдөр “Тасралтгүй боловсролын сургалт” хүрээнд татварын мэргэшсэн зөвлөхийн гишүүдэд сургалт зохион байгууллаа.

Сургалтаар Нийгмийн даатгалын ерөнхий газрын Хяналт шалгалтын газрын дарга С.Лхагвадорж “Аж ахуйн нэгж байгууллагад нийгмийн даатгалын хууль, тогтоомжийн хэрэгжилт, анхаарах асуудлууд” сэдвийн хүрээнд мэдээлэл өглөө. Мөн Нэгдсэн үндэстний байгууллагын  Хөгжлийн хөтөлбөрийн тогтвортой санхүүжилтийн багц төслийн зохицуулагч Б.Нинжин  “Монгол Улсад Тогтвортой байдлын тодруулгын стандартыг нэвтрүүлэх бэлэн байдлын үнэлгээний үр дүн” сэдвийн хүрээнд  мэдээлэл хүргэлээ.