“ТАТВАР, НИЙГМИЙН ДААТГАЛЫН ХУУЛИЙГ ХЭН САЙН МЭДЭХ ВЭ? 2026” ТЭМЦЭЭНИЙГ ЗОХИОН БАЙГУУЛНА

Нийгмийн даатгалын ерөнхий газар Монгол улсын Татварын мэргэшсэн зөвлөхийн нийгэмлэгтэй 2024 онд “Хамтын ажиллагааны санамж бичиг” байгуулан хамтран ажиллаж байна.

Энэхүү арга хэмжээний хүрээнд оюутан, суралцагчдын татвар, санхүү, нийгмийн даатгалын хууль тогтоомжийн мэдлэгийг сорих, хэрэглээ болгох зорилгоор  “Татвар, Нийгмийн даатгалын хуулийг хэн сайн мэдэх вэ? 2026” тэмцээнийг 19 дэх жилдээ их, дээд сургуулийн оюутнуудын дунд зохион байгуулахаар төлөвлөсөн.

Тэмцээн зохион байгуулах ажлын хэсгийн хурал 2025 оны 02 дугаар сарын 11-ний өдөр цахимаар болов. Хурлаар тэмцээний удирдамж, төлөвлөгөөг хэлэлцэн ажлын хэсгийн гишүүдийн саналыг тусган батлан, хэрэгжүүлэхээр боллоо.