ЁС ЗҮЙ, САХИЛГА, ХАРИУЦЛАГА, ХЯНАЛТЫГ САЙЖРУУЛНА
Даргын зөвлөлийн өргөтгөсөн шуурхай цахим хурал 2026 оны 02 дугаар сарын 06-ны өдөр боллоо. Хуралд Нийгмийн даатгалын ерөнхий газрын дарга Б.Батжаргал, газар, хэлтсийн дарга нар, 21 аймаг, 9 дүүргийн Нийгмийн даатгалын газрын дарга нар оролцлоо.
Нийгмийн даатгалын ерөнхий газрын дарга 2026 онд хэрэгжүүлэх онцлох ажлуудыг танилцуулж, хэрэгжилтийг бүрэн хангах, ажил эрчимжүүлж ёс зүйтэй, хариуцлагатай, бүтээмжтэй, ил тод, нээлттэй ажиллахыг сануулсан бөгөөд дараах үүрэг даалгаврыг өглөө.
- 2026 оны орлогын төлөвлөгөөний биелэлтийг хангаж ажиллах;
- Нийгмийн даатгалын шимтгэлийн өрийг барагдуулах ажлыг эрчимжүүлэх;
- Албан хаагчдын сахилга, хариуцлагын асуудлыг анхаарч, ажлын бүтээмжийг нэмэгдүүлэх;
- Мэдээллийн системийн шинэчлэлийг тогтворжуулах;
- Цахим үйлчилгээг өргөжүүлэх;
- Ажил олгогчдыг дэмжих;
- Нийгмийн даатгалын үйлчилгээг иргэд, даатгуулагчид, харилцагчид, чирэгдэлгүй шуурхай, ил тод, нээлттэй хүргэх зэрэг болно.
Салбарын хэмжээнд аль ч шатанд хууль бус үйлдлийн эсрэг ажиллаж, төрийн үйлчилгээг иргэдэд ил тод, нээлттэй түргэн шуурхай хүргэж ажиллахыг үүрэг болголоо. Мөн холбогдох газар, хэлтсүүд ажлын явцыг эрчимжүүлж, уялдаа холбоогоо сайжруулж ажиллахыг анхаарууллаа.
