НДЕГ-ЫН ДАРГА Б.БАТЖАРГАЛ ЧИНГЭЛТЭЙ ДҮҮРГИЙН ИРГЭДЭД МЭДЭЭЛЭЛ ӨГЛӨӨ

Нийгмийн даатгалын ерөнхий газрын дарга Б.Батжаргал Чингэлтэй дүүргийн Нийгмийн даатгалын газартай хамтран 2026 оны 01 дүгээр сарын 24, 31-ний өдрүүдэд тус дүүргийн 10–23 дугаар хорооны иргэдтэй уулзалт зохион байгуулж, нийгмийн даатгалын хууль тогтоомж, тэтгэвэр, тэтгэмжийн талаар мэдээлэл өглөө.

Уулзалтаар нийгмийн даатгалын үйлчилгээ, хууль тогтоомжийн хэрэгжилт, даатгуулагчдын эрх, үүргийн талаар дэлгэрэнгүй танилцуулж, иргэдийн сонирхсон асуултад хариулт өгсөн юм. Нийгмийн даатгалын үйлчилгээг илүү хүртээмжтэй, ойлгомжтой болгох, иргэдэд чиглэсэн мэдээллийг тогтмол хүргэх чиглэлээр авч хэрэгжүүлж байгаа арга хэмжээг танилцуулж, иргэдийн санал хүсэлтийг үйл ажиллагаандаа тусган ажиллахаа Нийгмийн даатгалын ерөнхий газрын дарга илэрхийлэв.