НДЕГ-ЫН ДАРГА Б.БАТЖАРГАЛ ДУНДГОВЬ АЙМГИЙН НИЙГМИЙН ДААТГАЛЫН ГАЗАРТ АЖИЛЛАЛАА

Нийгмийн даатгалын ерөнхий газрын дарга Б.Батжаргал болон холбогдох газрын дарга, мэргэжилтнүүд 2025  оны 02 дугаар сарын 02-ны өдрүүдэд Дундговь аймгийн Нийгмийн даатгалын газар болон Хулд сумын Нийгмийн даатгалын тасагт ажиллаж, албан хаагчидтай уулзалт хийлээ. 2026 оны Нийгмийн даатгалын байгууллагын зорилт, анхаарах асуудал, нийгмийн даатгалын сангийн орлогын төлөвлөгөөг биелүүлэх, шимтгэлийн өр барагдуулах ажлыг эрчимжлүүлэхийг үүрэг болголоо.

2026 оныг “Ёс зүй, сахилга, хариуцлага, хяналт, бүтээмжийг дээшлүүлэх” жил болгон зарласан. Тиймээс Нийгмийн даатгалын үйлчилгээг иргэд, даатгуулагчид, ажил олгогчид, харилцагчдад  ил тод, нээлтэй, түргэн шуурхай ёс зүй, сахилга, хариуцлагыг  эрхэмлэн ажиллахыг дурдлаа. Өнгөрсөн онд нийгмийн даатгалын мэдээллийн SICOS системийг 330 суманд нэвтрүүлж, мөн Хөдөлмөрийн чадвар алдсаны тэтгэврийн хүсэлтийг цахимаар авч эхэлсэн бол энэ онд зарим тэтгэвэр тэтгэмжийн хүсэлтийг цахимаар авах боломжийг бүрдүүлнэ гэдгийг Нийгмийн даатгалын ерөнхий газрын дарга онцоллоо.

Нийгмийн даатгалын үйлчилгээг чанаржуулах, хамралтыг нэмэгдүүлэх, нийгмийн даатгалын шимтгэлийн өр, авлагыг бууруулахад салбар хоорондын уялдаа холбоо хамгийн чухал учир цаашид дээрх ажлуудыг эрчимжүүлэхэд хамтын хүчээр ажиллахыг уулзалтын үеэр хэлсэн юм.