ХАМТЫН АЖИЛЛАГААНЫ ТАЛААР САНАЛ СОЛИЛЦЛОО

Нийгмийн даатгалын ерөнхий газрын дарга Б.Батжаргал, Захиргаа удирдлагын газрын дарга Б.Даваахүү, Дотоод аудит, мониторингийн газрын дарга Б.Ганхуяг нар Хөрөнгө оруулалт, худалдааны газрын даргын албан үүргийг түр орлон гүйцэтгэгч Б.Зандан, Захиргаа удирдлагын хэлтсийн дарга Б.Батбаяр, Нэг цэгийн үйлчилгээний төв хариуцсан мэргэжилтэн Г.Ариунаа нартай хамтын ажиллагааны талаар уулзалт зохион байгууллаа.

Хөрөнгө оруулалт, худалдааны газрын Чингэлтэй дүүрэгт байрлах Нэг цэгийн үйлчилгээний төв нь гадаадын хөрөнгө оруулагчдад Монгол Улсын хөрөнгө оруулалтын орчин, хууль тогтоомж, зах зээлийн таатай нөхцөлийг сурталчлах, мэдээлэл зөвлөгөөний ажлыг зохион байгуулдаг. Тус нэг цэгийн үйлчилгээний төвд Нийгмийн даатгалын байгууллагаас холбогдох хууль тогтоомжийн дагуу гадаадын хөрөнгө оруулагчдад төрийн үйлчилгээг үзүүлдэг бөгөөд нэг цэгийн үйлчилгээний төвд үзүүлж байгаа нийгмийн даатгалын үйлчилгээ, хамтын ажиллагааг өргөжүүлэх боломжийн талаар санал солилцлоо.