ДАРГЫН ЗӨВЛӨЛИЙН ХУРАЛ БОЛЛОО

Нийгмийн даатгалын ерөнхий газрын даргын зөвлөлийн хурал 2025 оны 10 дугаар сарын 29-ний өдөр боллоо. Хурлаар Нийгмийн хамгааллын тухай Монгол улс болон Бүгд Найрамдах Австри Улс хоорондын хэлэлцээрийн танилцуулга, Итгэлцлийн аяны үр дүнгийн танилцуулга, бүтцийн өөрчлөлтийн явцын танилцуулга болон Нийгмийн даатгалын ерөнхий газрын гүйцэтгэлийн төлөвлөгөөний хэрэгжилтийн явц, албан даалгавар,  захирамжлалын бичгийн биелэлт, анхаарах асуудлууд, Үндэсний аудитын газраас өгөгдсөн акт, албан шаардлагын зөвлөмжийн хэрэгжилт мөн Сүхбаатар дүүргийн нийгмийн даатгалын газар, Орхон аймгийн нийгмийн даатгалын газар, Мэдээллийн технологийн төвд хийсэн шалгалтын танилцуулгыг тус тус хэлэлцлээ.

Тус хурлаас Нийгмийн даатгалын ерөнхий газрын дарга дараах үүргийг өглөө. Үүнд:

• Хяналт шалгалтаар илэрсэн зөрчлийг арилгах, цаашид зөрчил гаргахгүй байхад анхаарч ажиллах;
• Үндэсний аудитын газраас өгсөн акт, албан шаардлагын зөвлөмжийн хэрэгжилтийг хангах, биелэлт хангалтгүй байгаа аймаг, дүүргүүдэд мэргэжил арга зүйн зөвлөгөө мэдээлэл өгч ажиллах;
• Орлогын төлөвлөгөөний биелэлтийн хэрэгжилтэд анхаарч, нийгмийн даатгалын шимтгэлийн өрийг барагдуулах ажлыг эрчимжүүлэх
• Капитал болон Чингис хаан банкны өр төлбөрийг барагдуулах ажлыг эрчимжүүлэх зэрэг болно.

Мөн холбогдох газар хэлтсүүд ажлын явцыг эрчимжүүлж, уялдаа холбоогоо сайжруулж ажиллахыг анхаарууллаа.