СУРГАЛТ ЗОХИОН БАЙГУУЛЛАА

Нийгмийн даатгалын ерөнхий газраас 2025.10.24-ний өдөр Нийгмийн даатгалын талаар мэдлэг ойлголтыг нэмэгдүүлэх арга хэмжээний хүрээнд Хөдөлмөр халамжийн үйлчилгээний ерөнхий газартай хамтран хилийн чанадад хөдөлмөр эрхлэх, БНСУ-д хөдөлмөрийн гэрээгээр ажиллах  Монгол Улсын иргэдэд “Нийгмийн хамгааллын хэлэлцээр, Нийгмийн даатгалын хууль,тогтоомжийн талаарх ойлголт” сэдэвт сургалтыг зохион байгууллаа.

Тус сургалтыг Захиргаа, удирдлагын газрын сургалтын мэргэжилтэн Б.Цэрэнчимэд явуулж “Нийгмийн хамгааллын хэлэлцээр,Нийгмийн даатгалын багц хууль”-ийн талаар зөвлөгөө, мэдээллийг хүргэж, хил нэвтрэхийн өмнөх бэлтгэл сургалтын хөтөлбөрт  хамрагдсан  иргэдийн  сонирхсон асуултад хариулт өгч ажиллалаа.

Сүүлийн 3 жилийн байдлаар  Бүгд Найрамдах Солонгос улсад 2400  гаруй иргэн хөдөлмөрийн гэрээгээр хилийн чанадад ажиллахаар явсан байна. Сургалтад хамрагдсан иргэд, даатгуулагч нартаа талархал илэрхийлье.