СУРГАЛТ ЗОХИОН БАЙГУУЛЛАА

 Нийгмийн даатгалын ерөнхий газар нь нийгмийн даатгалын хууль тогтоомжийг ажил олгогч, даатгуулагч, олон нийтэд таниулах, мэдээллээр хангах зорилгоор Нийгмийн даатгалын багц хуулийн сургалтыг зохион байгуулж байна.

Энэхүү арга хэмжээний хүрээнд  санхүүгийн зөвлөх үйлчилгээ үзүүлдэг “Энгүүн ач ХХК“-тай хамтран  2025 оны 10 дугаар сарын  01-ны өдөр “Нийгмийн даатгалын багц хууль”-ийн талаарх сургалтыг  жижиг, дунд аж ахуйн нэгж байгууллагын    санхүүгийн  ажилтануудад танхим болон цахимаар зохион байгуулав.

Сургалтаар Нийгмийн даатгалын ерөнхий хууль, Нийгмийн даатгалын сангаас олгох тэтгэврийн, Нийгмийн даатгалын сангаас олгох тэтгэмжийн, Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулиудыг танилцуулан, ажилтнуудын тавьсан нийгмийн даатгалын талаарх асуултад хариулт өгч ажиллав.

Нийгмийн даатгалын хууль, тогтоомжийг олон нийтэд сурталчлан таниулахад хамтран ажилласан “Энгүүн ач ХХК“-ны   хамт олонд талархал илэрхийлье.