НИЙГМИЙН ДААТГАЛЫН ЕРӨНХИЙ ГАЗАР АХМАДУУДАА ХҮЛЭЭН АВЧ, ХҮНДЭТГЭЛ ҮЗҮҮЛЛЭЭ

Нийгмийн даатгалын ерөнхий газар олон улсын ахмадын баярыг тохиолдуулан Нийгмийн даатгалын байгууллагад мэргэжлийн ур чадвараа олон жил дайчлан ажиллаж, өнөөдрийн нийгмийн даатгалын салбарыг хөгжүүлэхэд үнэтэй хувь нэмэр оруулсан ахмадуудаа хүлээн авч, хүндэтгэл үзүүллээ.

Энэ үеэр Нийгмийн даатгалын ерөнхий газрын дарга Б.Батжаргал нийт ахмадууддаа хүндэтгэл үзүүлж, баяр хүргээд Нийгмийн даатгалын байгууллагын үйл ажиллагааны талаар болон нийгмийн даатгалын хууль тогтоомжийн хэрэгжилт, боловсруулж буй хуулийн төслийн талаар ахмадууддаа танилцууллаа.

Ахмадууд нийгмийн даатгалын хуулийн хэрэгжилт, анхаарах асуудлын талаар санал бодлоо хэлж, өөрсдийн үнэтэй зөвлөгөө, мэдээллийг өгсөн юм.