СУРГАЛТ ЗОХИОН БАЙГУУЛЛАА
Нийгмийн даатгалын ерөнхий газраас 2025 оны 07 дугаар сарын 02-ны өдөр “ Тээвэр Хөгжлийн Банк”-ны ажилтан албан хаагчдад “Нийгмийн даатгалын багц хууль”-ийн талаар сургалт орлоо.
Сургалтаар Нийгмийн даатгалын ерөнхий хууль, Нийгмийн даатгалын сангаас олгох тэтгэврийн, Нийгмийн даатгалын сангаас олгох тэтгэмжийн, Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулиудыг танилцуулан, ажилтнуудын сонирхсон нийгмийн даатгалын талаарх асуултад хариулт өглөө.
Нийгмийн даатгалын ерөнхий газар нь нийгмийн даатгалын хууль тогтоомжийг ажил олгогч, даатгуулагч, олон нийтэд таниулах, мэдээллээр хангах зорилгоор Нийгмийн даатгалын багц хуулийн сургалтыг шат дараатайгаар зохион байгуулж байна.
Нийгмийн даатгалын хууль, тогтоомжийг олон нийтэд сурталчлан таниулахад хамтран ажилласан “Тээвэр Хөгжлийн Банк“-ны хамт олонд талархал илэрхийлье.