21 АЙМАГ, 9 ДҮҮРГИЙН ХЭЛТСИЙН ДАРГА НАРТ ҮҮРЭГ, ДААЛГАВАР ӨГЛӨӨ
2025 оны 11 дүгээр сарын 19-ны өдөр Нийгмийн даатгалын ерөнхий газрын удирдлагууд аймаг, дүүргийн Нийгмийн даатгалын газрын хэлтсийн дарга нартай шуурхай зөвлөгөөн хийж , цаг үеийн асуудлаар мэдээлэл өгч, үүрэг, даалгавар өглөө.
Зөвлөгөөний үеэр Нийгмийн даатгалын ерөнхий газрын дарга Б. Батжаргал дараах үүрэг, даалгаврыг өгөв.
- Нийгмийн даатгалын сангийн орлогын төлөвлөгөөг биелүүлэх, шимтгэлийн өр барагдуулах, хамралт нэмэгдүүлэх ажлыг эрчимжүүлэх;
- Төрийн үйлчилгээг шуурхай хүргэх, харьцаа хандлага, үйлчилгээний чанарыг сайжруулах;
- Дотоод хяналт шалгалтын үйл ажиллагааг сайжруулах;
- Авлига, ашиг сонирхлоос ангид ажиллах;
- Төсвийн тухай хууль, Шилэн дансны тухай хууль, Нийтийн мэдээллийн ил тод байдлын хууль зэрэг холбогдох хууль тогтоомжийн биелэлтийг сайжруулан ажиллах зэрэг хугацаатай үүрэг даалгаврыг өгч, удирдлагуудад анхаарч ажиллахыг үүрэг болголоо.
Шуурхай зөвлөгөөнд нийт 21 аймаг, 9 дүүргийн Хамралт орлогын хэлтэс, Санхүү бүртгэлийн хэлтэс, Тэтгэвэр тэтгэмжийн хэлтэс, Захиргаа хяналтын хэлтсийн дарга нар оролцлоо.
