2026 ОНД НИЙГМИЙН ДААТГАЛЫН ҮЙЛЧИЛГЭЭГ ЦАХИМЖУУЛАХ АЖЛЫГ ЭРЧИМЖҮҮЛНЭ 

Нийгмийн даатгалын ерөнхий газрын дэргэдэх мэдээллийн технологийн төвөөс 2025 онд хийж хэрэгжүүлсэн ажлын үр дүн, 2026 онд хэрэгжүүлэх ажлын зорилго, цахимжилттай холбоотой анхаарах асуудлын талаар цахимаар 21 аймаг, 9 дүүргийн нийгмийн даатгалын газрын албан хаагчдад мэдээлэл өглөө.

Нийгмийн даатгалын байгууллага төрийн үйлчилгээг иргэдэд түргэн шуурхай, чирэгдэлгүй, ашиг сонирхлоос ангид  хүргэх зорилгын хүрээнд үйлчилгээг цахимжуулах ажлыг эрчимжүүлэн ажиллаж байна. Энэ ажлын хүрээнд өнгөрсөн онд 330 суманд нийгмийн даатгалын мэдээллийн SICOS системийг нэвтрүүлснээс гадна хөдөлмөрийн чадвар алдсаны тэтгэврийн хүсэлтийг баримт бичгийг цахимаар авч эхэлсэн. Өнөөдрийн байдлаар Нийгмийн даатгалын 81 үйлчилгээнээс 46  үйлчилгээг бүрэн цахимжуулаад байна.

Цаашид нийгмийн даатгалын үйлчилгээг  бүрэн цахимжуулахад шат дараатайгаар  системийн шинэчлэл хийнэ гэдгийг Мэдээллийн технологийн төвийн захирал Г.Хүрэлбаатар онцолсон юм.