МОНГОЛ ДААТГАЛ ХК-ИЙН АЖИЛТАН, АЛБАН ХААГЧДАД СУРГАЛТ ЗОХИОН БАЙГУУЛЛАА

Нийгмийн даатгалын ерөнхий газар нь нийгмийн даатгалын хууль тогтоомжийг ажил олгогч, даатгуулагч, олон нийтэд таниулах, мэдээллээр хангах зорилгоор Монгол даатгал ХК-ийн ажилтан, албан хаагчдад Нийгмийн даатгалын багц хуулийн сургалтыг 2025 оны 06 дугаар сарын 12-ний өдөр зохион байгуулав.

Сургалтаар Нийгмийн даатгалын ерөнхий хууль, Нийгмийн даатгалын сангаас олгох тэтгэврийн, Нийгмийн даатгалын сангаас олгох тэтгэмжийн, Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулиудыг танилцуулан, ажилтан, албан хаагчдын тавьсан нийгмийн даатгалын талаарх асуултад хариулт өгч ажиллав.

Нийгмийн даатгалын хууль, тогтоомжийг олон нийтэд сурталчлан таниулахад хамтран ажилласан “Монгол даатгал” ХК-ийн хамт олонд талархал илэрхийлье.