ЭРҮҮЛ МЭНДИЙН ДААТГАЛЫН ЕРӨНХИЙ ГАЗРЫН АЛБАН ХААГЧДАД СУРГАЛТ ЗОХИОН БАЙГУУЛЛАА

Нийгмийн даатгалын ерөнхий газраас Нийгмийн даатгалын хууль тогтоомжийг ажил олгогч, даатгуулагч, харилцагч, олон нийтэд сурталчлах ажлыг шат дараатай зохион байгуулж байна.
Энэ хүрээнд 2025.04.16-ны өдөр “Нийгмийн даатгалын хууль тогтоомж”-ийн талаар Эрүүл мэндийн даатгалын ерөнхий газар, 21 аймаг, 9 дүүргийн эрүүл мэндийн даатгалын газрын 200 орчим албан хаагчдад сургалт зохион байгууллаа.

Сургалт танхим, цахим хосолсон хэлбэрээр явагдаж, нийгмийн даатгалын ач холбогдол, хуулийн хэрэгжилттэй холбоотой албан хаагчдын сонирхсон асуултад, хариулт өгч ажиллав. Нийгмийн даатгалын хууль, тогтоомжийг олон нийтэд сурталчлан таниулахад хамтран ажилласан Эрүүл мэндийн даатгалын ерөнхий газрын хамт олонд талархал илэрхийлье.

Нийгмийн даатгалын хууль, тогтоомжийн талаар сургалт авах хүсэлтэй Төрийн болон хувийн хэвшлийн аж ахуйн нэгж байгууллагууд, Та бүхэн доорх линкээр орж сургалтын захиалгаа өгөх боломжтой.

https://docs.google.com/forms/d/e/1FAIpQLSeOsQL8Ztj0jmUBzIniDGPdibMwll5UVYRrvWQtYQGa-zHwXA/viewform