“ЭРДЭНЭТ ҮЙЛДВЭР” ТӨРИЙН ӨМЧИТ ҮЙДВЭРИЙН ГАЗРЫН АЖИЛТНУУДАД СУРГАЛТ ЗОХИОН БАЙГУУЛЛАА

Нийгмийн даатгалын ерөнхий газраас нийгмийн даатгалын хууль тогтоомжийг ажил олгогч, даатгуулагч, олон нийтэд таниулах, мэдээллээр хангах зорилгоор төрийн болон хувийн хэвшлийн аж ахуйн нэгж байгууллагуудад Нийгмийн даатгалын багц хуулийн хэрэгжилтийн талаар сургалтыг зохион байгуулж байна.

Энэхүү хүрээнд “Эрдэнэт үйлдвэр” ТӨҮГ-аас хүсэлт тавьсаны дагуу тус газрын захиргааны ажилтнуудад 2025 оны 08 дугаар сарын 15-ны өдөр “Нийгмийн даатгалын шинэчилсэн багц хуулийн хэрэгжилт, анхаарах асуудал” сэдвээр мэдээлэл өглөө.

Сургалтаар Нийгмийн даатгалын ерөнхий хууль, Нийгмийн даатгалын сангаас олгох тэтгэврийн, Нийгмийн даатгалын сангаас олгох тэтгэмжийн, Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулиудыг танилцуулан хуулийг хэрэгжүүлэхэд хэрэгжүүлэхэд анхаарах асуудал, өөрчлөгдсөн заалтууд, иргэд даатгуулагчдад ээлтэй зохицуулалтыг хуулийн эрх зүйн орчинд сайжруулж чадсан эсэх зэрэг сэдвээр дэлгэрэнгүй мэдээлэл өгсөн юм.

Нийгмийн даатгалын хууль, тогтоомжийг олон нийтэд сурталчлан таниулахад хамтран ажилласан “Эрдэнэт ТӨҮГ”-ын хамт олонд талархал илэрхийлье.