ЧИГЛЭЛ, ЗӨВЛӨМЖ ӨГЧ МЭРГЭЖИЛ, АРГА ЗҮЙГЭЭР ХАНГАВ.

Хяналт шалгалтын газраас 21 аймаг, 9 дүүргийн Нийгмийн даатгалын газрын удирдлага, Хамралт, орлогын хэлтэс болон хуулийн мэргэжилтнүүдтэй 2026 оны 01 дүгээр сарын 02-ны өдөр цахим уулзалт зохион байгууллаа. Хурлаар Хяналт шалгалтын газрын дарга С.Лхагвадорж 2025 оны нийгмийн даатгалын сангийн орлогын төлөвлөгөөний биелэлт, шимтгэлийн авлага барагдуусан ажлын талаар мэдээлэл өгч, 2026 оны нийгмийн даатгалын сангийн орлогын төлөвлөгөөг төнилцуулан, ажил олгогчийн шимтгэлийн өрийг барагдуулах чиглэлээр мэргэжил, аргазүйн зөвлөгөөгөөр ханган ажиллалаа.

Нийгмийн даатгалын ерөнхий хуульд ажил олгогч тухайн сарын нийгмийн даатгалын шимтгэл төлөлтийн тайланг дараа сарын 05-ны дотор цахим,эсвэл тоон гарын үсгээр баталгаажуулж, харьяалагдах нийгмийн даатгалын байгууллагад ирүүлэх бөгөөд энэ хугацаа долоо хоног бүрийн амралт, эсвэл нийтээр амрах баярын өдөртэй давхцал дараагийн ажлын өдөр тайлагнана гэж заасан.

Иймд 2025 оны 12 дугаар сарын шимтгэл төлөлтийн тайлан илгээх өдрүүд буюу 2026 оны 01 дүгээр сарын 01, 03, 04-ний өдрүүд нийтээр амрах баярын болон долоо хоног бүрийн амралтын өдөртэй давхцаж байгаа учир ажил олгогчийн нийгмийн даатгалын шимтгэл төлөлтийн тайланг 2026 оны 01 дүгээр сарын 08-ны өдрийн дотор хүлээн авах чиглэлийг хурлын үеэр өглөө.