ХИЛИЙН ЧАНАД ДАХЬ МОНГОЛЧУУДЫН ЗӨВЛӨЛТЭЙ ХАМТРАН АЖИЛЛАНА
Нийгмийн даатгалын ерөнхий газраас Нийгмийн даатгалын хууль тогтоомжийг ажил олгогч, даатгуулагч, харилцагч, олон нийтэд сурталчлах ажлыг шат дараатай зохион байгуулж байна.
Энэ ажлын хүрээнд Нийгмийн даатгалын ерөнхий газрын дарга Б.Батжаргал, Үйлчилгээ хөгжүүлэлт, олон нийттэй харилцах газрын дарга Д.Цэцэгбадам, Үйлчилгээ хөгжүүлэлтийн хэлтсийн дарга М.Гэрэлмаа нар “Хилийн Чанад дахь Монголчуудын Зөвлөл” НҮТББ-ын төлөөллийг хүлээн авч уулзлаа.
Уулзалтаар дэлхийн өнцөг булан бүрд амьдарч, ажиллаж байгаа Монголчууддаа нийгмийн даатгалын үйлчилгээг хүргэх чиглэлээр хамтран ажиллах санамж бичиг байгуулахаар тохиролцов.
Хамтын ажиллагааны хүрээнд гадаадад ажиллаж амьдарч байгаа Монголчуудад нийгмийн даатгалын хууль тогтоомжийг сурталчлах, сайн дурын даатгалд хамруулах, мэдээ мэдээллээр тогтмол хангах зэрэг үйл ажиллагааг шат дараатай хамтран зохион байгуулахаар боллоо.
