“ХАРИЛЦАН ХҮНДЭТГЭЕ” АЯНД САЛБАРЫН НИЙТ АЛБАН ХААГЧИД, ИРГЭН, АЖ АХУЙ НЭГЖИЙГ ИДЭВХТЭЙ ОРОЛЦОХЫГ УРИАЛЖ БАЙНА

Монгол Улсын Ерөнхий сайдын тэргүүлдэг Жендэрийн Үндэсний Хорооноос жил бүр Олон улсын эмэгтэйчүүдийн эрхийг хамгаалах өдөр болон Монгол цэргийн өдрийг тохиолдуулан “Харилцан хүндэтгэе” аяныг улсын хэмжээнд зохион байгуулдаг уламжлалтай.

Энэ хүрээнд Жендэрийн Үндэсний Хорооноос гуравдугаар сарыг Гэр бүл, хөдөлмөр, нийгмийн хамгааллын салбарын хэмжээнд “Жендэрийн эрх тэгш байдлыг хангах сар” болгон зарласан байна.

“Харилцан хүндэтгэе” аяныг “Хайрлая, хандлагаа өөрчилье, хамтдаа үлгэрлэе” уриан дор зохион байгуулж байгаа бөгөөд жендэрийн тэгш бус байдал, жендэрт суурилсан хүчирхийллээс урьдчилан сэргийлэх, бууруулахад олон нийт, залуучуудын оролцоог нэмэгдүүлэх, жендэрийн боловсролыг түгээн дэлгэрүүлэхэд чиглэж байна.

 

Иймд салбарын нийт албан хаагчид, иргэд, аж ахуйн нэгж байгууллагуудыг уг аянд идэвхтэй оролцож, жендэрийн эрх тэгш байдлыг дэмжих, харилцан хүндэтгэлийн соёлыг төлөвшүүлэхэд хувь нэмрээ оруулахыг уриалж байна.

 

#ХарилцанХүндэтгэе
#Хайрлая
#ХандлагааӨөрчилье
#ХамтдааҮлгэрлэе