ХААИС-ИЙН ОЮУТНУУД НИЙГМИЙН ДААТГАЛЫН ЕРӨНХИЙ ГАЗРЫН ҮЙЛ АЖИЛЛАГААТАЙ ТАНИЛЦЛАА

Нийгмийн даатгалын ерөнхий газраас Нийгмийн даатгалын хууль тогтоомжийг ажил олгогч, даатгуулагч, харилцагч, олон нийтэд сурталчлах ажлыг шат дараатай зохион байгуулж байна.

Энэ хүрээнд Хөдөө аж ахуйн их сургуулийн Санхүүгийн чиглэлээр суралцаж байгаа оюутнууд Нийгмийн даатгалын ерөнхий газрын үйл ажиллагаатай танилцлаа.

Оюутнуудыг Бодлогын хэрэгжилт, төлөвлөлтийн газрын дарга Ц.Ганцэцэг хүлээн авч уулзан Нийгмийн даатгалын салбарын үйл ажиллагаа, үйлчилгээний  талаар танилцуулга хийж нийгмийн даатгалд даатгуулахын ач холбогдол Нийгмийн даатгалын багц хуулийн шинэчлэл үндсэн агуулга, ажил олгогчид,  даатгуулагчдын төлсөн шимтгэлээр бүрдэж байгаа сангийн орлогын зориулалт зарцуулалт,  тэтгэвэр, тэтгэмжийн талаар оюутнуудын сонирхсон  асуултад хариулт өгч харилцан ярилцлаа.