“ТАТВАР, НИЙГМИЙН ДААТГАЛЫН ХУУЛИЙГ ХЭН САЙН МЭДЭХ ВЭ? 2026” ТЭМЦЭЭН ЭХЭЛЛЭЭ

Нийгмийн даатгалын ерөнхий газар, Татварын мэргэшсэн зөвлөхийн нийгэмлэг,  Татварын ерөнхий газар хамтран татвар, нийгмийн даатгалын талаарх ойлголтыг нэмэгдүүлэх зорилгоор их, дээд сургуулиудын оюутан залуучуудын дунд  “Татвар нийгмийн даатгалын хуулийг хэн сайн мэдэх вэ? 2026” 19 дэх жилдээ зохион байгуулж байгаа билээ. Энэ жилийн тэмцээний эхний шатны шалгаруулалт өнөөдөр /2026.04.23/-ны өдөр Татварын ерөнхий газрын байранд эхэллээ.

Тэмцээний нээлтийн үйл ажиллагаанд Нийгмийн даатгалын ерөнхий газрын дарга Б.Батжаргал, Захиргаа, удирдлагын газрын дарга Б.Даваахүү нар оролцож тэмцээнд оролцож  оюутнуудад амжилт хүслээ. Энэ удаагийн тэмцээнд 11 их дээд сургуулийн 15 баг оролцож байна.

“Татвар нийгмийн даатгалын хуулийг хэн сайн мэдэх вэ? 2026” тэмцээний нэгдүгээр шат цахим тест, гэрийн даалгаврын жүжигчилсэн тоглолт гэсэн хоёр даалгавартайгаар явагдлаа. Харин  тэмцээний хоёрдугаар шатны шалгаруулалт 2026 оны 05 дугаар сарын 07-ны өдөр Нийгмийн даатгалын ерөнхий газрын байранд үргэлжилж, шилдгүүдээ шалгаруулах юм.

Тэмцээнд оролцож байгаа эрдэмтэн багш, оюутнууддаа амжилт хүсье.