СУРГАЛТ ЗОХИОН БАЙГУУЛЛАА

Нийгмийн даатгалын ерөнхий газар нь нийгмийн даатгалын хууль тогтоомжийг ажил олгогч, даатгуулагч, олон нийтэд таниулах, мэдээллээр хангах зорилгоор Нийгмийн даатгалын багц хуулийн сургалтыг зохион байгуулан ажилладаг. Энэ зорилгын хүрээнд 2026 оны сургалтын төлөвлөгөөгөө батлан оны эхний сургалтаа 2026 оны 01 дүгээр сарын  19-ны өдөр Монголын Мэргэшсэн Нягтлан Бодогчийн Институттэй хамтран татвар төлөгч аж ахуйн нэгж байгууллагын санхүү нягтлан бодох бүртгэлийн ажилтнуудад “Нийгмийн даатгалын багц хууль”-ийн сэдвээр танхим, онлайн хосолсон хэлбэрээр зохион байгууллаа.

Сургалтаар Нийгмийн даатгалын ерөнхий хууль, Нийгмийн даатгалын сангаас олгох тэтгэврийн, Нийгмийн даатгалын сангаас олгох тэтгэмжийн, Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулиудыг танилцуулж, ажилтнуудын тавьсан  асуултад хариулт өгч ажиллав.

Нийгмийн даатгалын хууль болон холбогдох тогтоомжийг олон нийтэд түгээн дэлгэрүүлэхэд хамтран ажилласан Монголын Мэргэшсэн Нягтлан Бодогчийн Институтдээ талархал илэрхийлье.