ОЛОН УЛСЫН СУРГАЛТ, СЕМИНАРТ ХАМРАГДАЖ БАЙНА
Дэлхийн банкнаас “Нийгмийн даатгалын хамралтыг өргөжүүлэх нь: стратеги, инноваци, улс орнуудын шийдэл” сэдэвт олон улсын семинарыг 2025 оны 10 дугаар сарын 06-08-ны өдрүүдэд Тайландын Хаант Улсын Бангкок хотод зохион байгуулж байна.
Уг семинарт Дэлхийн банк, Олон Улсын хөдөлмөрийн байгууллага, Японы Олон улсын хамтын ажиллагааны агентлаг болон Тайланд, Бразил, Словени Улсын судлаач, эдийн засагчид нийгмийн даатгалын хамралтын нөхцөл байдал, хамралтыг өргөжүүлэх санаачилгууд, албан бус салбарт зориулсан богино хугацааны тэтгэмжүүд, нийгмийн тодорхой бүлгүүдэд зориулсан бодлогын шийдлүүд зэрэг сэдвээр илтгэл, хэлэлцүүлэг өрнүүлж байна.
Энэхүү 3 өдрийн сургалт, семинарт Монгол Улсаас Гэр бүл, хөдөлмөр, нийгмийн хамгааллын яам, Нийгмийн даатгалын ерөнхий газрын албан хаагчид Дэлхийн банкны санхүүгийн дэмжлэгтэйгээр цахимаар оролцож, улс орнуудын туршлагаас судалж байна.
