АЖЛЫН ХЭСЭГ АЖИЛЛАЖ БАЙНА
Нийгмийн даатгалын салбарын хэмжээнд 2025 оныг “Даатгуулагчдыг дэмжих, нийгмийн даатгалын шимтгэлийн өрийг барагдуулах жил” болгон зарласан. Зорилтот жилийн хүрээнд Нийгмийн даатгалын ерөнхий газрын Шимтгэл хураалтын удирдлага, арга зүйн газрын дарга Б.Батсүхээр ахлуулсан ажлын хэсэг Сүхбаатар дүүргийн Нийгмийн даатгалын газарт ажиллаж үүссэн өр, авлагын нөхцөл байдалд үнэлэлт дүгнэлт өгч, шимтгэлийн их хэмжээний өртэй, авлагын насжилт өндөртэй аж ахуйн нэгж, байгууллагын удирдлагуудтай уулзалт зохион байгуулж байна.
Уулзалтаар шимтгэлийн өр үүсгэсэн шалтгаан нөхцөлийн талаар ажил олгогчидтой ярилцлага хийж, даатгуулагчдад учирч болох эрсдэлийн талаар тайлбарлан, даатгуулагчдыг хохироохгүй, нийгмийн даатгалын үйлчилгээ авах боломжоор ханган ажиллахыг санууллаа.
Мөн Сүхбаатар дүүргийн Нийгмийн даатгалын газрын ажилтнуудад нийгмийн даатгалын хууль тогтоомжийг хэрэгжүүлэн ажиллах болон үүссэн шимтгэлийн өрийг барагдуулах талаар чиглэл өгч, мэргэжил арга зүйгээр ханган ажиллаж байна.
