НИЙГМИЙН ДААТГАЛЫН САНГИЙН ХЭТИЙН ТООЦООЛОЛ ХИЙХ АЖЛЫН ХҮРЭЭНД ЭРДЭМТЭН СУДЛААЧИДТАЙ ХАМТРАН АЖИЛЛАЖ БАЙНА

Нийгмийн даатгалын ерөнхий газар нь тэтгэврийн даатгалын сангийн болон үйлдвэрлэлийн осол, мэргэжлээс шалтгаалсан өвчний даатгалын сангийн орлого, зарлагын хэтийн тооцоолол хийх,  нийгмийн даатгалын үндсэн үзүүлэлтүүдийг бодит цагийн горимоор харах, ашиглах dashboard-тай болох зорилгоор Монгол Улсын Их Сургуулийн Бизнесийн сургуулийн эрдэмтэн судлаачид, актуарч Б.Баярхүүтэй хамтран ажиллаж байна.

Дээрх ажлын үр дүнд Нийгмийн даатгалын ерөнхий газар цаашид суурь судалгааны мэдээллийн санд үндэслэн нийгмийн даатгалын сангийн ирээдүйн төлөв байдлын тооцооллыг бие даан гүйцэтгэх арга аргачлалыг эзэмших чухал ач холбогдолтой юм.