НИЙГМИЙН ДААТГАЛЫН БАЙГУУЛЛАГЫН 2025 ОНЫ НЭГТГЭСЭН ТАЙЛАНД “ӨӨРЧЛӨЛТГҮЙ” ДҮГНЭЛТ ӨГЛӨӨ.
Үндэсний аудитын газраас Төрийн аудитын тухай хуулийн 6 дугаар зүйлийн 6.3.1, 8 дугаар зүйлийн 8.1, Төсвийн тухай хуулийн 8 дугаар зүйлийн 8.9.2-т заасны дагуу Нийгмийн даатгалын байгууллагын төсвийн төвлөрүүлсэн захирагчийн 2025 оны 12 дугаар сарын 31-ний өдрөөр тасалбар болсон санхүүгийн нэгтгэсэн тайлан, төсвийн гүйцэтгэлд 2026 оны 03 дугаар сарын 05-наас 03 дугаар сарын 25-ны өдрүүдэд аудит хийж гүйцэтгэлээ.
Аудитын дүнгээр Нийгмийн даатгалын байгууллагын санхүүгийн нэгтгэсэн тайлан, төсвийн гүйцэтгэл нь Төсвийн тухай хууль, Нягтлан бодох бүртгэлийн тухай хууль болон Улсын секторын нягтлан бодох бүртгэлийн олон улсын стандартын шаардлагад нийцсэн, үнэн зөв тайлагнагдсан гэж үзэж, “ӨӨРЧЛӨЛТГҮЙ” дүгнэлт өглөө.
Энэхүү дүгнэлт нь Нийгмийн даатгалын байгууллагын санхүүгийн сахилга бат, ил тод байдал, тайлагналын чанар зохих түвшинд хангагдаж байгааг илэрхийлж байна.
