НИЙГМИЙН ДААТГАЛЫН БАЙГУУЛЛАГЫН САНХҮҮ, БҮРТГЭЛИЙН ЧИГЛЭЛЭЭР ЦАХИМ УУЛЗАЛТ ЗОХИОН БАЙГУУЛАВ

Нийгмийн даатгалын байгууллагуудын дарга, ахлах нягтлан бодогч нарт санхүү, бүртгэлийн чиглэлээр 2026 онд дэвшүүлж буй зорилт, анхаарах асуудлын талаар чиглэл, зөвлөмж өглөө.

Нийгмийн даатгалын ерөнхий газраас зарласан “Ёс зүй, сахилга, хариуцлага, хяналт, бүтээмжийг дээшлүүлэх-2026” жилийн хүрээнд санхүүгийн сахилга, хариуцлага, бүтээмжийг дээшлүүлэх талаар Санхүү бүртгэл, хөрөнгө оруулалтын газрын дарга Б.Алтанцэцэг онцлон дурдлаа.

Уулзалтад аймаг, орон нутгийн 65 санхүүгийн удирдлага оролцож, мэдээлэл солилцсон ба “Тооноос чанарт” зорилтын дор оны эхнээс хийж хэрэгжүүлэх гол ажлуудаа тодорхойлсон ач холбогдолтой уулзалт болсон юм.