НИЙГМИЙН ДААТГАЛЫН БАЙГУУЛЛАГА ЁС ЗҮЙ, САХИЛГА, ХАРИУЦЛАГЫГ НЭМЭГДҮҮЛНЭ

Нийгмийн даатгалын ерөнхий газрын дарга Б.Батжаргал, Хяналт шалгалтын газрын дарга С.Лхагвадорж болон холбогдох мэргэжилтнүүд 2026 оны 01 дүгээр сарын 05-ны өдөр Сонгинохайрхан, Баянгол дүүргийн Нийгмийн даатгалын газарт ажиллаж, нийгмийн даатгалын сангийн орлогыг төлөвлөгөөг биелүүлэх, шимтгэлийн өр барагдуулах ажлыг эрчимжүүлэх,  олгохоор хүлээгдэж буй ажилгүйдлийн тэтгэмж, жирэмсэний болон амаржсаны тэтгэмжийг  энэ долоо багтаан цаг хугацаанд нь олгох асуудлын талаар чиглэл өглөө.

 

Нийгмийн даатгалын байгууллага нь 2026  оныг “ Ёс зүй, сахилга, хариуцлага, хяналт, бүтээмжийг дээшлүүлэх” жил болгон зарласан. Тиймээс иргэд, даатгуулагчдад нийгмийн даатгалын үйлчилгээг түргэн шуурхай, чирэгдэлгүй үзүүлж, тэтгэвэр, тэтгэмжийг цаг хугацаанд олгоход анхаарах, шилэн ил тод, нээлттэй ашиг сонирхлын зөрчлөөс ангид ажиллахыг  Нийгмийн даатгалын ерөнхий газрын дарга онцоллоо.