НДЕГ-ЫН ДАРГА Б.БАТЖАРГАЛ ӨМНӨГОВЬ АЙМГИЙН НИЙГМИЙН ДААТГАЛЫН ГАЗАРТ АЖИЛЛАЛАА
Нийгмийн даатгалын ерөнхий газрын дарга Б.Батжаргал болон холбогдох газрын дарга, мэргэжилтнүүд 2025 оны 02 дугаар сарын 01-02-ны өдрүүдэд Өмнөговь аймгийн Нийгмийн даатгалын газар болон Цогтцэций сумын Нийгмийн даатгалын тасагт ажиллалаа. 2026 оны Нийгмийн даатгалын байгууллагын зорилт, цаашид анхаарах асуудал, нийгмийн даатгалын сангийн орлогын төлөвлөгөөг биелүүлэх, шимтгэлийн өр барагдуулах ажлыг эрчимжлүүлэх, талаар албан хаагчдад мэдээлэл өглөө. Уулзалтаар дараах чиг үүргийг өглөө. Үүнд:
– Бүх шатанд хууль тогтоомжийг, чандлан сахих;
– Бүх түвшний удирдлагууд, удирдлагын манлайллыг үзүүлж ажиллах;
– Ажил олгогч, ажилтан, даатгуулагч, тэтгэвэр, тэтгэмж авагч, харилцагчдад нийгмийн даатгалын үйлчилгээг түргэн шуурхай үзүүлэх;
– Шилэн дансны тухай хууль болон Нийтийн мэдээллийн ил тод байдлын тухай хуулийн хэрэгжилтийг хангаж ажиллах;
– Ашиг сонирхлын зөрчлөөс ангид байх, сахилга бат, ёс зүйн хэм хэмжээг дээдлэх зэрэг болно.
Нийгмийн даатгалын байгууллага 2026 оныг “Ёс зүй, сахилга, хариуцлага, хяналт, бүтээмжийг дээшлүүлэх” жил болгон зарласан. Тиймээс Нийгмийн даатгалын үйлчилгээг иргэд, даатгуулагчид, ажил олгогчид, харилцагчдад ил тод, нээлтэй, түргэн шуурхай ёс зүй, сахилга, хариуцлагыг эрхэмлэн эрхэмлэн ажиллах нь чухал гэдгийг Нийгмийн даатгалын ерөнхий газрын дарга онцоллоо. Мөн энэ онд цахимжилтын ажлыг эрчимжлүүлж, зарим тэтгэвэр тэтгэмжийг хүсэлтийг цахимаар авах нөхцөлийг бүрдүүлж ажиллана гэлээ.
