МОНГОЛ ЯПОНЫ ЭМНЭЛГИЙН УДИРДЛАГЫН БАГ БОЛОН ЭМЧ, СУВИЛАГЧ, АЖИЛТНУУДАД СУРГАЛТ ЗОХИОН БАЙГУУЛЛАА

Нийгмийн даатгалын ерөнхий газар нь нийгмийн даатгалын хууль тогтоомжийг ажил олгогч, даатгуулагч, олон нийтэд таниулах, мэдээллээр хангах зорилгоор эмнэлгийн удирдлага, эмч, сувилагч, ажилтнуудад Нийгмийн даатгалын багц хуулийн сургалтыг зохион байгуулж байна.

Энэхүү арга хэмжээний хүрээнд “Монгол Японы эмнэлэг“-ийн захиргааны албан хаагчид болон эмч, сувилагч, ажилтнуудад 2025 оны 06 дугаар сарын 16, 17-ны өдрүүдэд “Нийгмийн даатгалын багц хууль”-ийн талаарх сургалтыг зохион байгуулав.

Сургалтаар Нийгмийн даатгалын ерөнхий хууль, Нийгмийн даатгалын сангаас олгох тэтгэврийн, Нийгмийн даатгалын сангаас олгох тэтгэмжийн, Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулиудыг танилцуулан, захиргааны албан хаагчид, эмч, сувилагч, ажилтнуудын тавьсан нийгмийн даатгалын талаарх асуултад хариулт өгч ажиллав.

Нийгмийн даатгалын хууль, тогтоомжийг олон нийтэд сурталчлан таниулахад хамтран ажилласан Монгол Японы эмнэлгийн хамт олонд талархал илэрхийлье.