МОНГОЛ УЛСЫН 2024 ОНЫ ТОП-100 КОМПАНИЙГ ШАЛГАРУУЛЛАА
Монгол Улсын Засгийн газар, Монголын Үндэсний Худалдаа Аж Үйлдвэрийн Танхим хамтран 24 дэх жилдээ “ТОП-100” ААН-ийг 2025 оны 07 дугаар сарын 03-ны өдөр тодрууллаа. Энэ үйл ажиллагаанд Нийгмийн даатгалын ерөнхий газрын дарга Б.Батжаргал оролцож, Монгол Улсын нийгэм, эдийн засгийн хөгжилд үнэтэй хувь нэмрээ оруулж, 2024 оны ажлын үр дүнгээрээ бусдыгаа манлайлан шалгарсан “ТОП-100” аж ахуйн нэгж, байгууллагад баяр хүргэж, ажлын амжилт хүслээ.
“ТОП-100” аж ахуйн нэгжээр шалгарсан компаниуд нийгмийн даатгалын хууль тогтоомжийг хэрэгжүүлэн ажилтан, албан хаагчдаа эрсдэлээс хамгаалж, нийгмийн баталгааг хангах үүднээс 2024 онд 808.4 тэрбум төгрөгийн Нийгмийн даатгалын шимтгэлийг хуулийн хугацаанд нь төлсөн байна.
Шилдгээр шалгарсан байгууллагууд болон нийгмийн даатгалын хууль тогтоомжийг хэрэгжүүлэхэд хамтран ажилладаг 59.4 мянган ажил олгогч нартаа ажлын амжилт хүсье.