МОНГОЛ УЛСЫН ИХ СУРГУУЛИЙН БИЗНЕСИЙН СУРГУУЛИЙН ОЮУТНУУДАД СУРГАЛТ ЗОХИОН БАЙГУУЛЛАА
Нийгмийн даатгалын ерөнхий газар нь Монгол Улсын Их Сургуулийн Бизнесийн Сургуультай хамтран ажиллах “Санамж бичиг”-ийг байгуулсан.
Энэ ажлын хүрээнд Монгол Улсын Их Сургуулийн Бизнесийн Сургуулийн төгсөх ангийн оюутнуудад 2025 оны 05 дугаар сарын 15-ны өдөр “Нийгмийн даатгалын багц хууль”-ийн талаарх сургалтыг зохион байгуулав.
Сургалтаар Нийгмийн даатгалын ерөнхий хууль, Нийгмийн даатгалын сангаас олгох тэтгэврийн, Нийгмийн даатгалын сангаас олгох тэтгэмжийн, Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулиудыг танилцуулан, нийгмийн даатгалын талаарх оюутнуудын сонирхсон асуултад хариулт өгч ажиллав.
Нийгмийн даатгалын хууль, тогтоомжийг олон нийтэд сурталчлан таниулахад хамтран ажилласан Монгол Улсын Их Сургуулийн Бизнесийн Сургуулийн хамт олонд талархал илэрхийлье.
