ИТГЭЛЦЛИЙН АЯН ЭХЭЛЛЭЭ

Нийгмийн даатгалын ерөнхий газраас шимтгэл төлөгч аж ахуйн нэгж, байгууллагын тогтвортой үйл ажиллагааг дэмжих, ажил олгогч, даатгуулагчдыг санхүүгийн болон нийгмийн эрсдлээс хамгаалах, нийгмийн даатгалын шимтгэлийг хуулийн хугацаанд төлүүлж хэвшүүлэх  зорилго бүхий “Итгэлцлийн аян”-ыг 2025 оны 09 сарын 15-аас эхлэн нэг сарын хугацаатай зохион байгуулж байна.

Энэ аяны  хүрээнд өнөөдөр НДЕГ-аас 21 аймаг, 9 дүүргийн нийгмийн даатгалын газар, хэлтсийн дарга нар холбогдох мэргэжилтнүүдтэй цахимаар уулзалт хийж,  чиглэл, зөвлөмж өглөө.

Итгэлцлийн аяны хугацаанд нийгмийн даатгалын шимтгэлийн хуримтлагдсан өртэй ажил олгогчийг алданги, торгууль зэрэг хуулийн хариуцлагаас чөлөөлж, өр барагдуулах хугацаатай гэрээ байгуулах, харилцагч банкны дансны гүйлгээг хаахгүй байх, тухайн байгууллагын даатгуулагчид тэтгэвэр, тэтгэмж тогтоож олгох, шимтгэлийн өрийг бууруулах зэрэг үйл ажиллагааг ажил олгогчтой хамтран зохион байгуулна. .Итгэлцлийн аянд нийтдээ 19.4 мянган аж ахуйн нэгж, байгууллага хамрагдана.