ИРГЭД, ДААТГУУЛАГЧДАД НИЙГМИЙН ДААТГАЛЫН ҮЙЛЧИЛГЭЭГ ШУДАРГА, ИЛ ТОД, ЁС ЗҮЙН ЗӨРЧИЛГҮЙ ХҮРГЭХЭД АНХААРЧ АЖИЛЛАНА.
Нийгмийн даатгалын ерөнхий газрын Ёс зүйн дэд хорооноос 2025 оны 06, 07 дугаар саруудад “Төрийн албан хаагчийн ёс зүйн тухай хууль, түүний хэрэглээ” сэдэвт сургалтыг Нийгмийн даатгалын ерөнхий газрын болон аймаг, дүүргийн Нийгмийн датгалын газрын дарга нар, Ёс зүйн дэд хорооны гишүүд, бусад албан хаагчид гэж төрөлжүүлэн нийт 7 удаагийн сургалтыг зохион байгууллаа.
Нийгмийн даатгалын байгууллага төрийн албан хаагчдын ёс зүйн мэдлэг, ёс зүйн зарчим, үнэт зүйлсийг үйл ажиллагаандаа хэрэгжүүлэх, төрийн үйлчилгээг шударга, ил тод, иргэдийн итгэлийг хүлээн үзүүлэх зорилт тавин ажиллаж байна. Нийгмийн даатгалын байгууллага нь Ёс зүйн 31 дэд хороо, 137 гишүүнтэйгээр ёс зүйн зөрчлөөс урьдчилан сэргийлэх, соён гэгээрүүлэх, нөлөөллийн арга хэмжээг зохион байгуулах, ёс зүйн зөрчлийг хянан шийдвэрлэх, зөрчилд дүн шинжилгээ хийх ажлыг зохион байгуулж байна.
Энэ удаагийн сургалтаар Ёс зүйн зарчим, үнэт зүйлсийг төрийн үйлчилгээнд хэрэглэх, ач холбогдлыг таниулах, ёс зүйн зөрчил, түүний үр дагаврын талаарх бодит жишээн дээр ажиллаж, шийдвэр гаргах ур чадварыг хөгжүүлэх, ёс зүйн зөрчил гарахаас урьдчилан сэргийлэх арга хэмжээг авах, зөв ёс зүйтэй хандлагыг төлөвшүүлэх зэрэг мэдлэг, ойлголтыг албан хаагчдад өглөө.
Мөн нийгмийн даатгалын байгууллагын үйлчилгээний хэм хэмжээг танилцуулах сургалтыг Үйлчилгээ хөгжүүлэлтийн хэлтээс зохион байгууллаа. Тус сургалтыг тусгай төхөөрөмж ашиглан дадлага ажил хийлгэж, сонирхолтой хэлбэрээр зохион байгуулсан нь ач холбогдолтой боллоо.
Төрийн албан хаагчийн ёс зүйн мэдлэг, мэдээлэл өгөх сургалтад танхим болон цахимаар Нийгмийн даатгалын байгууллагын нийт 1400 орчим албан хаагч хамрагдлаа. Цаашид 2025 оныг дуустал 3 удаагийн сургалтыг цувралаар хийх, ёс зүйн зөрчил гаргахаас урьдчилан сэргийлэх зорилгоор соён гэгээрүүлэх, нөлөөллийн арга хэмжээг зохион байгуулахаар төлөвлөж байна.