ДҮҮРГҮҮДЭД АЖИЛЛАЛАА

Нийгмийн даатгалын ерөнхий газрын дарга Б.Батжаргал болон холбогдох газрын дарга, мэргэжилтнүүд Чингэлтэй дүүргийн нийгмийн даатгалын газар болон Баянзүрх дүүргийн Улиастай дахь нийгмийн даатгалын хэлтэс, Хан-уул дүүргийн Яармаг дахь нийгмийн даатгалын хэлтэст ажиллаж, 2026 оны зорилт, цаашид анхаарах асуудал, нийгмийн даатгалын сангийн орлогыг төлөвлөгөөг биелүүлэх, шимтгэлийн өр барагдуулах ажлыг эрчимжүүлэх талаар мэдээлэл өгсөн юм. Энэ уулзалтаар дараах чиг үүргийг өглөө.

– Бүх хууль тогтоомжийг, чандлан сахих;

– Бүх түвшний удирдлагууд, удирдлагын манлайллыг үзүүлж ажиллах;

– Ажил олгогч, ажилтан, даатгуулагч, тэтгэвэр, тэтгэмж авагч, харилцагчдад нийгмийн даатгалын үйлчилгээг түргэн шуурхай үзүүлэх;

– Шилэн дансны тухай хууль болон Нийтийн мэдээллийн ил тод байдлын тухай хуулийн хэрэгжилтийг хангаж ажиллах;

– Үндэсний аудитын газраас өгсөн акт, албан шаардлага, зөвлөмжийн биелэлтэд онцгой анхаарч хэрэгжилтийг хангах;

– Ашиг сонирхлын зөрчлөөс ангид байх, сахилга бат, ёс зүйн хэм хэмжээг дээдлэх;

– Хуулийн хугацаанд нь олгож амжаагүй ажилгүйдлийн тэтгэмж, жирэмсний болон амаржсаны тэтгэмжийг  энэ долоо багтаан цаг хугацаанд олгож дуусгах зэрэг болно.

Нийгмийн даатгалын байгууллага 2026 оныг “Ёс зүй, сахилга, хариуцлага, хяналт, бүтээмжийг дээшлүүлэх” жил болгон зарласан. Тиймээс Нийгмийн даатгалын үйлчилгээг чанаржуулах, хүртээмжийг нэмэгдүүлэхэд нэг зорилгын төлөө, ёс зүй, сахилга, хариуцлагыг эрхэмлэн ажиллах нь чухал гэдгийг Нийгмийн даатгалын ерөнхий газрын дарга онцоллоо.