ДЭЛХИЙН БАНКНЫ ТӨЛӨӨЛӨГЧИДТЭЙ ЦАХИМ УУЛЗАЛТ ЗОХИОН БАЙГУУЛАГДАВ
Нийгмийн даатгалын ерөнхий газраас Дэлхийн банкны техник туслалцааны хүрээнд улс орнуудын Нийгмийн даатгалын тогтолцоонд хийдэг “Нийгмийн даатгалын удирдлага, зохион байгуулалтын шинжилгээ”-г хийлгүүлэх хүсэлтийг 2025 оны 10 дугаар сард Дэлхийн банканд уламжилсан.
Тус байгууллагаас манай хүсэлтийг хүлээн авч, ажлын төлөвлөгөөний зөвлөлдөх уулзалтыг цахимаар зохион байгуулав. Уулзалтад Нийгмийн даатгалын ерөнхий газрын дарга Б.Батжаргал, НДЕГ-ын удирдлагууд, холбогдох мэргэжилтнүүд, аймаг, дүүргийн Нийгмийн даатгалын газрын дарга нар болон Дэлхийн банкны зөвлөх Майкл Кидд, Алексей Случинский, Монгол дахь суурин төлөөлөгчийн газрын ахлах мэргэжилтэн Н.Монголмаа нар оролцлоо.
Шинжилгээнд нийгмийн даатгалын институт, хөтөлбөр, үйлчилгээний цар хүрээ, гүйцэтгэл, мэдээлэл, харилцаа холбооны технологи, сангийн менежментийн гэсэн үндсэн 6 төрлийн үзүүлэлтийн мэдээллийг цуглуулж, шинжилгээ хийх ба уг шинжилгээг хийлгэснээр оновчтой, үр дүнтэй бодлогын хувилбар боловсруулах ач холбогдолтой юм.
