ДАРГЫН ЗӨВЛӨЛИЙН ХУРАЛ БОЛЛОО

Нийгмийн даатгалын ерөнхий газрын даргын зөвлөлийн хурал 2026.01.27-ны өдөр боллоо. Хурлаар Нийгмийн даатгалын ерөнхий газрын 2025 оны гүйцэтгэлийн төлөвлөгөөний биелэлтэд хийсэн хяналт-шинжилгээний танилцуулга, Ажил олгогчийн нөхөн тайлагнасан шимтгэл төлөлтийн тайланг шалгасан шалгалтын дүнгийн танилцуулга, Нийгмийн даатгалын ерөнхий газрын 2026 оны гүйцэтгэлийн төлөвлөгөөний төслийн танилцуулга, Авлигатай тэмцэх үндэсний хөтөлбөрийг хэрэгжүүлэх арга хэмжээний төлөвлөгөөний 2025 оны биелэлтийн танилцуулга зэрэг 4 асуудлыг хэлэлцлээ.

Засгийн газраас төрийн албан хаагчийн гүйцэтгэлийн удирдлагын нэгдсэн цахим системийг төрийн байгууллагуудын үйл ажиллагаанд нэвтрүүлэхээр туршилтын ажил эхлүүлсэн.  Уг системийг туршихаар төрийн 15 байгууллага сонгогдсоны нэг нь Нийгмийн даатгалын ерөнхий газар болон түүний харьяа байгууллагууд юм. Тиймээс төрийн албан хаагчийн гүйцэтгэлийн удирдлагын нэгдсэн цахим системд оруулах гүйцэтгэлийн төлөвлөгөөг боловсруулахдаа байгууллагын стратеги төлөвлөгөөтэй уялдуулж  боловсруулахыг Нийгмийн даатгалын ерөнхий газрын дарга онцоллоо.  Мөн ажил олгогчийн нөхөн тайлагнасан шимтгэл төлөлтийн тайланд хийсэн шалгалтын ажлыг 2026 онд үргэлжлүүлэн хийх, шалгалтаар илэрсэн зөрчлийг арилгахыг үүрэг болголоо.