ДАРГЫН ЗӨВЛӨЛИЙН ХУРАЛ БОЛЛОО

Нийгмийн даатгалын ерөнхий газрын даргын зөвлөлийн өргөтгөсөн хурал 2025.05.23-ны өдөр болж, 21 аймаг, 9 дүүргийн Нийгмийн даатгалын газрын дарга нар цахимаар оролцлоо. Хурлаар Эрүүл мэндийн магадлалын төв зөвлөлөөс Чингэлтэй дүүрэгт зохион байгуулсан дахин магадлалын танилцуулга, Орхон аймагт зохион байгуулсан хяналт шалгалтын танилцуулга болон  Эрүүл мэндийн магадлалын үйл ажиллагаанд цахим шинэчлэлийг нэвтрүүлэх хөтөлбөрийн танилцуулгыг хэлэлцлээ.

Эрүүл мэндийн магадлалын төв зөвлөлөөс хийсэн хяналт шалгалтаар хөдөлмөрийн чадвар алдалтын хувь, хувьцааг тогтоохдоо холбоотой гарч байгаа зөрчлийг дахин гаргахгүй байх, иргэдэд үзүүлж буй үйлчилгээг чирэгдэлгүй болгоход анхаарахыг Нийгмийн даатгалын ерөнхий газрын дарга санууллаа.

Мөн өнөөдрийн даргын зөвлөлийн хурлаар Эрүүл мэндийн магадлалын үйл ажиллагаанд цахим шинэчлэлийг нэвтрүүлэх хөтөлбөрийг баталлаа. Энэхүү хөтөлбөр батлагдсанаар хөдөлмөрийн чадвар алдалтын хувь хугацааг тогтоохтой холбоотой гардаг зөрчлүүд арилах, шилэн нээлттэй ил тод, авлигал, ашиг сонирхлын зөрчлөөс ангид ажиллах, үйлчилгээг цахимаар түргэн шуурхай үзүүлэхэд ахиц гарна гэж үзэж байгаа юм.