ДАРГЫН ЗӨВЛӨЛИЙН ХУРАЛ БОЛЛОО
Нийгмийн даатгалын ерөнхий газрын даргын зөвлөлийн өргөтгөсөн хурал 2025.05.16-ний өдөр болж, 21 аймаг, 9 дүүргийн Нийгмийн даатгалын газрын дарга нар цахимаар оролцлоо. Хурлаар Говь-Алтай, Төв, Хэнтий аймгуудын нийгмийн даатгалын газрын ажилгүйдлийн даатгалын санд хийсэн шалгалтын танилцуулга, Цахим шилжилт, их өгөгдөлд суурилсан нийгмийн даатгалын үйлчилгээний хөтөлбөр /AI and big data/, Боловсруулж буй хөтөлбөрүүдийн явцын мэдээлэлтэй танилцах юм.
Говь-Алтай, Төв, Хэнтий аймгуудын нийгмийн даатгалын газрын ажилгүйдлийн даатгалын санд хийсэн шалгалтаар илэрсэн зөрчлийг шуурхай арилгахыг Нийгмийн даатгалын ерөнхий газрын дарга санууллаа. Мөн Цахим шилжилт, их өгөгдөлд суурилсан нийгмийн даатгалын үйлчилгээний хөтөлбөрийг даргын зөвлөлийн хурлаар баталлаа. Тус хөтөлбөр батлагдсанаар нийгмийн даатгалын үйлчилгээ нэг шат ахих, цахимжилтыг эрчимжүүлэх, 330 суманд sicos системийг нэвтрүүлж улсын хэмжээнд нийгмийн даатгалын үйлчилгээг ил тод, нээлттэй, ашиг сонирхлоос ангид, чирэгдэлгүй, түргэн шуурхай үзүүлэх нөхцөл бүрдэнэ.
Нийгмийн даатгалын ерөнхий газрын хэмжээнд холбогдох газар хэлтсүүд богино болон урт хугацааны хөтөлбөр, төлөвлөгөөг боловсруулан үйл ажиллагаандаа хэрэгжүүлэхээр төлөвлөөд байгаа бөгөөд дээрх хөтөлбөр, төлөвлөгөөний боловсруулалтын явцын талаар холбогдох газрын дарга нэр мэдээлэл өглөө.
Газрын даргын зөвлөлийн хурлаас Нийгмийн даатгалын газар, хэлтсүүд ажлын уялдаа холбоогоо сайжруулж, хамтран ажиллах, албан хаагчдыг чадавхжуулах, нийгмийн даатгалын хамралтыг нэмэгдүүлэх, авлагыг барагдуулах чиглэлд анхаарч ажиллахыг үүрэг болголоо.
