ЧИГЛЭЛ, ЗӨВЛӨМЖ ӨГЛӨӨ

Хөвсгөл аймгийн Цагаан-Уул суманд тарваган тахлын тохиолдол илэрч, тус аймагт хэсэгчилсэн хөл хорио тогтоогоод байна. Хөл хорио тогтоосонтой холбоотойгоор өнөөдөр /2025.09.08/ Нийгмийн даатгалын ерөнхий газрын Бодлогын хэрэгжилт, төлөвлөлтийн газрын дарга Ц.Ганцэцэг, Эрүүл мэндийн магадлалын төв зөвлөлийн дарга Т.Лхагвадорж, Үйлчилгээ хөгжүүлэлт, олон нийттэй харилцах газрын Үйлчилгээ хөгжүүлэлтийн хэлтсийн дарга М.Гэрэлмаа нар Хөвсгөл аймгийн Нийгмийн даатгалын газрын удирдлагуудтай цахимаар уулзалт хийлээ.

Уулзалтаар Хөвсгөл аймгийн хэмжээнд нөхцөл байдлын талаар тодруулаад, хөл хорио тогтоосон үед ажил олгогчид, даатгуулагчид, харилцагчдад нийгмийн даатгалын үйлчилгээг хэрхэн хүргэх, Эрүүл мэндийн магадлалын зөвлөлийг хуралдуулж иргэдийн хөдөлмөрийн чадвар алдалтыг тогтоох, газрын хэмжээнд ариутгал, хорио цээрийн дэглэмийг баримтлах талаар чиглэл, зөвлөмж өглөө.

Албан хаагчид эрүүл мэнд, өөрсдийн аюулгүй байдлаа ханган нийгмийн даатгалын үйлчилгээг цахимаар түргэн шуурхай үзүүлэх зохион байгуулалтыг хийж ажиллахыг зөвлөмж болгов.