ХӨГЖЛИЙН БЭРХШЭЭЛТЭЙ ХҮНИЙ ХӨГЖЛИЙН ЕРӨНХИЙ ГАЗАРТ СУРГАЛТ ЗОХИОН БАЙГУУЛАВ

Хөгжлийн бэрхшээлтэй хүний хөгжлийн ерөнхий газар нь хөгжлийн бэрхшээлтэй хүний хөдөлмөр эрхлэлтийг дэмжихтэй холбоотой хуулийг хэрэгжүүлэх, хөгжлийн бэрхшээлтэй хүнийг ажиллуулахад шаардлагатай мэдлэг ойлголтыг өгөх, мэргэжил арга зүйн зөвлөгөө өгөх, зөвлөн туслах чиглэлээр “Мэргэшсэн зөвлөх бэлтгэх” сургалтыг 2026 оны 04 дүгээр сарын 03-ны өдөр зохион байгуулав.

Сургалтад Нийгмийн даатгалын байгууллагаас Нийгмийн даатгалын багц хуулийн хэрэгжилт, нийгмийн даатгалын ач холбогдол, ажил олгогч, даатгуулагчийн эрх үүргийн талаар мэдээллийг хүргэв.

Сургалтад нийт 24 албан хаагч оролцсон бөгөөд тэдний нийгмийн даатгалын талаар тавьсан асуултад хууль тогтоомжийн дагуу хариултыг өгч ажиллав.