НИЙГМИЙН ДААТГАЛЫН ХУУЛИЙН ХЭРЭГЖИЛТИЙН АРГА ЗҮЙН СУРГАЛТЫГ УЛСЫН ХЭМЖЭЭНД ЗОХИОН БАЙГУУЛЛАА

2026 оны 04 дүгээр сарын 08-ний өдөр 21 аймаг, 9 дүүргийн хэмжээнд танхимын сургалтыг зохион байгууллаа. Сургалтад Нийгмийн даатгалын тухай ойлголт, ач холбогдол, Ажил олгогчид зориулсан цахим системийн ашиглалт, Шимтгэл төлөлттэй холбоотой нийтлэг алдаа, анхаарах асуудал зэрэг сэдвээр мэдээлэл хүргэлээ.

Сургалтад 307 аж ахуйн нэгж, байгууллагын 380 нягтлан бодогч, хүний нөөц, удирдах ажилтнуудыг хамруулсан бөгөөд оролцогчдын асуултад хариулт өгч, санал солилцлоо. Тус сургалт нь сар бүрийн 2 дах долоо хоногийн Лхагва гараг бүр танхимаар тогтмол зохион байгуулагдах тул 2026.05.13-ны өдрийн сургалтад хамрагдахыг хүссэн Аж ахуй нэгж байгууллагууд, байгууллагынхаа харьяа Нийгмийн даатгалын газартаа хандана уу!