НИЙГМИЙН ДААТГАЛЫН БАЙГУУЛЛАГА ЗӨВЛӨН ТУСЛАХ ҮЙЛЧИЛГЭЭГ УЛСЫН ХЭМЖЭЭНД ШИНЭ ТҮВШИНД ГАРГАНА
Нийгмийн даатгалын байгууллагаас даатгуулагч, ажил олгогч, аж ахуйн нэгж, байгууллагад чиглэсэн сургалт, зөвлөн туслах үйл ажиллагааг долоо хоног бүрийн Лхагва гарагт Нийгмийн даатгалын ерөнхий газраас нэгдсэн удирдлага, арга зүйгээр ханган 21 аймаг, 9 дүүргийн Нийгмийн даатгалын газар болон 330 сумын Нийгмийн даатгалын ажилтнууд хамтран сургалт зохион байгуулж байна.
Тус үйл ажиллагаа нь нийгмийн даатгалын үйлчилгээг иргэдэд ойртуулах, байгууллагын шилэн, ил тод, нээлттэй ажиллах бодлогыг хэрэгжүүлэх, ажил олгогч болон даатгуулагчдын эрх, үүргийн талаарх ойлголтыг нэмэгдүүлэх, хууль тогтоомжийн хэрэгжилтийг сайжруулах, зөвлөн туслах үйлчилгээг үзүүлэх зорилготой юм. Энэ сургалтаар дараах үндсэн сэдвүүдийг хамруулан мэдээлэл, зөвлөгөө, зөвлөн туслах үйлчилгээг өгч ажиллаж байна. Үүнд:
- Нийгмийн даатгалын тухай ойлголт, ач холбогдол – (Нийгмийн даатгалын тогтолцоо, даатгуулагчийн эрх, үүрэг, нийгмийн хамгааллын ач холбогдол )
- Ажил олгогчид зориулсан цахим системийн ашиглалт – (Тайлан илгээх, шимтгэл төлөх, мэдээлэл засварлах зэрэг үйл ажиллагааг цахимаар хэрхэн зөв, шуурхай хийх талаар практик зааварчилгаа өгөх )
- Шимтгэл төлөлттэй холбоотой нийтлэг алдаа, анхаарах асуудал – (Байгууллагуудын түгээмэл гаргадаг алдаа, түүнийг засах арга, эрсдэлээс урьдчилан сэргийлэх зөвлөмж ) зэрэг болно.
Цаашид нийгмийн даатгалын байгууллагаас дээрх сургалт, зөвлөн туслах үйл ажиллагааг тогтмол, хүртээмжтэй байдлаар зохион байгуулахаар зорин ажиллаж байна. Иймд аж ахуйн нэгж, байгууллагууд та бүхэн өөрийн харьяа Нийгмийн даатгалын газарт хандан сургалтандаа идэвхтэй хамрагдахыг уриалж байна.
#Нээлттэйнийгмийндаатгал
#нийгмийндаатгалаарзөвлөнтусалъя
