НИЙГМИЙН ДААТГАЛЫН БАГЦ ХУУЛИЙН НЭМЭЛТ, ӨӨРЧЛӨЛТИЙГ ХЭРЭГЖҮҮЛЭХТЭЙ ХОЛБООТОЙ БЭЛТГЭЛ АЖЛЫГ ХАНГАХ АЖЛЫН ХЭСЭГ ХУРАЛДЛАА
Нийгмийн даатгалын ерөнхий газрын даргын 2026 оны А/196 дугаар тушаалаар байгуулсан Нийгмийн даатгалын багц хуульд нэмэлт, өөрчлөлт оруулах тухай хуулиудыг хэрэгжүүлэхтэй холбоотой шинээр боловсруулах, түүнчлэн мөрдөж байгаа журам, дүрэм, заавар, аргачлалд нэмэлт, өөрчлөлт оруулах санал боловсруулах, программын даалгавар бэлтгэх үүрэг бүхий Ажлын хэсэг хуралдлаа.
Хурлаар холбогдох газар, хэлтсийн дарга нар хариуцсан чиг үүргийнхээ дагуу боловсруулж буй дүрэм, журам, заавар, аргачлалын явцын талаар мэдээлэл хийлээ. 2026 оны 08 дугаар сарын 24-ний өдрийн байдлаар ажлын хэсгийн төлөвлөгөөний биелэлт 72.7 хувьтай байна.
Ажлын хэсгийн ахлагч, Бодлогын хэрэгжилт, төлөвлөлтийн газрын дарга Ц.Ганцэцэг боловсруулж дууссан дүрэм, журмын төслүүдийг Гэр бүл, хөдөлмөр, нийгмийн хамгааллын яаманд шат дараатайгаар хүргүүлж шийдвэрлүүлэхийг чиглэл болгов. Мөн үлдсэн төслүүдийг Нийгмийн даатгалын ерөнхий газрын даргын тушаалд заасан хугацаа буюу 2026 оны 09 дүгээр сарын 07-ны дотор дуусгах талаар ажлын хэсгийн гишүүдэд чиглэл, зөвлөмж өгөв.
