НАЛАЙХ, БАГАНУУР ДҮҮРГИЙН НИЙГМИЙН ДААТГАЛЫН ГАЗАРТ АЖИЛЛАЛАА

Нийгмийн даатгалын ерөнхий газрын дарга Б.Батжаргал болон холбогдох мэргэжилтнүүд 2026 оны 01 дүгээр сарын 14-ний өдөр Налайх, Багануур дүүргийн нийгмийн даатгалын газарт ажиллалаа. Энэ үеэр нийгмийн даатгалын сангийн орлогыг төлөвлөгөөг биелүүлэх, шимтгэлийн өр барагдуулах ажлыг эрчимжүүлэх, иргэд, даатгуулагчдад нийгмийн даатгалын үйлчилгээг түргэн шуурхай, чирэгдэлгүй үзүүлж, тэтгэвэр, тэтгэмжийг цаг хугацаанд олгоход анхаарч ажиллахыг Нийгмийн даатгалын ерөнхий газрын дарга хэллээ.

Нийгмийн даатгалын байгууллага нь 2026  оныг “ Ёс зүй, сахилга, хариуцлага, хяналт, бүтээмжийг дээшлүүлэх” жил болгон зарласан. Тиймээс хууль тогтоомжийг, чандлан сахин ажиллах,  Шилэн дансны тухай хууль болон Нийтийн мэдээллийн ил тод байдлын тухай хуулийн хэрэгжилтийг хангаж Нийгмийн даатгалын үйлчилгээг чанаржуулах, хүртээмжийг нэмэгдүүлэхэд нэг зорилгын төлөө, ёс зүй, сахилга, хариуцлагыг эрхэмлэн ажиллах нь чухал байгааг уулзалтын үеэр дурдсан юм.