Монголын хуульчдын холбоо нь жил бүрийн 05 дугаар сарын 01-ний өдөр иргэдэд хууль, эрх зүйн анхан шатны зөвлөгөө мэдээлэл өгөх, төрийн үйлчилгээг үнэ төлбөргүй иргэдэд үзүүлэх хүрээнд “Хуульчийн Про боно өдөр”-ийг зохион байгуулдаг. Энэ удаад дээрх нээлттэй хаалганы өдөрлөгийг Монгол улсад Өмгөөллийн алба үүсэж хөгжсөний 98 жилийн ойг тохиолдуулан Монгол өмгөөлөгчдийн холбоотой хамтран “Хуульчийн Про боно өдөр, Өмгөөлөгч танд тусалъя 2026” нэгдсэн нээлттэй хаалганы өдөрлөгийг зохион байгууллаа.

Энэ үйл ажиллагаанд Нийгмийн даатгалын байгууллага жил бүр тогтмол оролцож,  Нийгмийн даатгалын хууль тогтоомжийг сурталчлан таниулах, нийгмийн даатгалын үйлчилгээний талаар мэдээлэл, зөвлөгөө өгч ажилладаг. Энэ жилийн өдөрлөгт Баянгол, Баянзүрх, Хан-Уул, Сонгинохайрхан дүүргийн Нийгмийн даатгалын ажилтнууд оролцож иргэд, даатгуулагч, ажил олгогч, харицагчдад мэдээлэл зөвлөгөөг өгч ажиллалаа.

Энэ жил тус үйл ажиллагаанд төрийн болон төрийн бус 20 гаруй байгууллага оролцож, иргэдэд зөвлөгөө, мэдээлэл, үйлчилгээг үзүүллээ.