АЖЛЫН ХЭСЭГ ХУРАЛДЛАА
Нийгмийн даатгалын үйлчилгээг сайжруулах чиглэлээр арилжааны банктай хамтран холбогдох программ хангамжид нэмэлт, өөрчлөлт оруулах чиг үүрэг бүхий ажлын хэсгийг Нийгмийн даатгалын ерөнхий газрын даргын А/360 тоот тушаалаар баталсан.
Энэхүү тушаалд Нийгмийн даатгалын цахим үйлчилгээг нэмэгдүүлэх, нийгмийн даатгалын шимтгэлийн цахим төлөлт, банкны харилцах дансны үлдэгдлийн мэдээллийг бодит цагийн горимоор татаж, шилжүүлэх, нийгмийн даатгалын цахим үйлчилгээг нийгмийн даатгалын байгууллага, иргэд, даатгуулагч, ажил олгогчдод түргэн шуурхай, хүртээмжтэй хүргэх ажлыг зохион байгуулах, холбогдох программ хангамжид нэмэлт, өөрчлөлт оруулах, нийгмийн даатгалын салбарын хэмжээнд “Корпорэйт гэйтвэй” үйлчилгээг нэвтрүүлэх, хамтран ажиллах гэрээг байгуулах зэрэг ажлыг зохион байгуулахыг тус тус даалгасан.
Энэхүү ажлын хүрээнд хурлыг 2026 оны 01 дүгээр сарын 07-ны өдөр Нийгмийн даатгалын ерөнхий газарт зохион байгууллаа. Цаашид хийж хэрэгжүүлсэн ажлын үр дүнг Газрын зөвлөлд 2026 оны 1 дүгээр улиралд багтаан танилцуулахаар тогтлоо.
